ఏపీలోని అనకాపల్లిలో ఉన్న మాడుగుల మండలంలో కింగ్ కోబ్రా కలకలం రేపింది. దాదాపు 14 అడుగుల పొడవున్న కోబ్రా.. స్నేక్ క్యాచర్లకు కూడా చుక్కలు చూపించింది. పామాయిల్ తోటలో ఉన్న కోబ్రాను కూలీలు చూసి పరుగులు తీశారు. అనంతరం స్నేక్ క్యాచర్స్‌ వచ్చి పామును పట్టడానికి నానా తంటాలు పడ్డారు. రెండు గంటల శ్రమ అనంతరం దానిని పట్టుకుని నెల్లిమర్ల అడవుల్లో వదిలిపెట్టారు. దీంతో కూలీలు, పామాయిల్ తోట యజమాని ఊపిరి పీల్చుకున్నారు.