TS: శాంతి భద్రతలను పర్యవేక్షించడంతో పాటు ప్రజలను ఆపద నుంచి గట్టెక్కించడంలో తెలంగాణ పోలీసులు ముందుంటున్నారు. తాజాగా డయల్ 100కు కాల్ వచ్చిన మూడు నిమిషాల్లోనే సమస్య పరిష్కారం చేశాడో కానిస్టేబుల్. హైదరాబాద్ పరిధిలోని అల్వాల్ పీఎస్‌కు కాల్ వచ్చింది. ఓ యువతి ఆత్మహత్య చేసుకుంటోందన్నది కాల్ సారాంశం. దీంతో ఫోన్ కాల్ ఆధారంగా 3 నిమిషాల్లోనే కానిస్టేబుల్ భాస్కర్ ఘటనా స్థలానికి చేరుకున్నారు. అనంతరం ఉరివేసుకుంటున్న వివాహితను తలుపులు పగలగొట్టి కాపాడారు. దీంతో కానిస్టేబుల్‌ని ప్రశంసిస్తున్నారు.