కాస్టింగ్ కౌచ్‌పై బాలీవుడ్ నటి రతన్ రాజ్‌పుత్ తన అనుభవాలు తెలిపింది. ‘‘ముంబైలో ఓ ఆడిషన్‌కు వెళ్లా. అక్కడ ఓ సౌత్ డైరెక్టర్ కండీషన్ పెట్టాడు. హీరో, దర్శకుడు, నిర్మాత, సినిమాటోగ్రాఫర్ వీరిలో ఎవరైనా అడిగితే కాదనకూడదు అంటూ నసుగుతున్నాడు. ముక్కుసూటిగా చెప్పండి అని ప్రశ్నించాను. మీకు తెలిసిందేగా.. వారందరితో మీరు కాంప్రమైజ్ కావాలి అన్నాడు. వెంటనే నేను ఆ ఆఫర్‌ను రిజెక్ట్ చేశా. అప్పటినుంచి ఇప్పటివరకు ఒక్క సౌత్ మూవీలో కూడా నటించలేదు.’’అంటూ చెప్పుకొచ్చింది.