మిజోరాం ముఖ్యమంత్రి జోరంతంగా తన కుమార్తె దురుసు ప్రవర్తన పట్ల క్షమాపణ చెప్పారు. ఇటీవల ఓ వైద్యుడిపై సీఎం కుమార్తె చేయిచేసుకుంటున్న వీడియో సోషల్‌ మీడియాలో వైరల్ అయింది. తనకు వీఐపీ మర్యాద లేకుండా ప్రత్యేక అపాయింట్‌మెంట్‌ ఇవ్వలేదనే కోపంతో ఆమె డాక్టర్‌పై దాడి చేసింది. దీనిపై సర్వత్రా విమర్శలు వ్యక్తమైన వేళ ముఖ్యమంత్రి బహరంగ క్షమాపణ చెప్పారు. ‘నా కుమార్తె ప్రవర్తించిన తీరు ఏ విధంగానూ సమర్థనీయం కాదు. వైద్యుడిని కలిసి క్షమాపణ చెప్పాను.’ అని జోరంతంగా ఇన్‌స్టాగ్రాంలో పోస్ట్ చేశారు.