వన్డే వరల్డ్ కప్‌లో భాగంగా నేడు దక్షిణాఫ్రికా, న్యూజిలాండ్‌ తలపడనున్నాయి. ఈ మ్యాచ్‌లో దక్షిణాఫ్రికా గెలిస్తే.. 12 పాయింట్లతో ఆ జట్టు దాదాపుగా సెమీఫైనల్‌ చేరినట్లే. ఇప్పటివరకు దక్షిణాఫ్రికా, న్యూజిలాండ్‌ చాలా వరకు మెరుగైన బ్యాటింగ్‌ ప్రదర్శన చేశాయి. మొత్తం మీద పాయింట్ల పట్టికలో రెండు, మూడో స్థానాల్లో ఉన్న దక్షిణాఫ్రికా, న్యూజిలాండ్‌ మధ్య పోరు హోరాహోరీగా సాగుతుందని అంచనా. 2019 ప్రపంచకప్‌ తర్వాత ఈ రెండు జట్లు వన్డే మ్యాచ్‌లో తలపడడం ఇదే తొలిసారి కావడం విశేషం.