టీమిండియా చేతిలో ఓటమి తమను తీవ్రంగా నిరాశ పరిచిందని ఇంగ్లాండ్ కెప్టెన్ జోస్‌ బట్లర్‌ అన్నాడు. స్వల్ప లక్ష్యాన్ని సులువుగా ఛేదిస్తామని భావిస్తే పాత కథే రిపీట్ అయ్యిందని విచారం వ్యక్తం చేశాడు. తమ బౌలర్లు అద్భుతంగా రాణించారన్న బట్లర్‌.. బ్యాటర్లు మాత్రం పూర్తిగా తేలిపోయారంటూ అసహనం వ్యక్తం చేశాడు. ఇక ముందు మరింత జాగ్రత్తగా ఆడతామని పేర్కొన్నాడు. ఇంగ్లండ్‌కు ఈ టోర్నీలో ఆస్ట్రేలియా, నెదర్లాండ్స్‌, పాకిస్తాన్‌లతో మ్యాచ్‌లు మిగిలి ఉన్నాయి. ప్రస్తుతం ఇంగ్లాండ్‌ పాయింట్ల పట్టికలో చివరి స్థానంలో ఉంది.