పాక్‌ ఆటగాళ్ల వేతనాలపై ఆ జట్టు మాజీ కెప్టెన్ రషీద్‌ లతీఫ్ కీలక వ్యాఖ్యలు చేశారు. పాక్ ఆటగాళ్లకు పీసీబీ బోర్డు నుంచి సరైన సహకారం లేదని చెప్పారు. గత ఐదు నెలలుగా క్రికెటర్లకు జీతాలు చెల్లించడం లేదన్నారు. తమ జీతాల గురించి పాక్‌ కెప్టెన్‌ బాబర్‌ అజామ్‌ పీసీబీ ఛైర్మన్‌కు లేఖలు రాసినా స్పందన లేదని చెప్పారు. ఆటగాళ్లకు జీతాలు అందించనప్పుడు. వారు ఎలా ఆడతారని లతీఫ్ ప్రశ్నించారు. వారి పట్ల పీసీబీ వ్యవహరిస్తున్న తీరు సరికాదని పేర్కొన్నారు.