భగవంత్ కేసరి’తో దసరా విజయాన్ని అందుకున్నారు హీరో బాలకృష్ణ మరో మూవీకి రెడీ అయ్యారు. తన 109వ చిత్రం బాబీ దర్శకత్వంలో చేసేందుకు ఓకే చెప్పారు. ఈ చిత్రం ఈ నెల 6నుంచి హైదరాబాద్‌లో రెగ్యులర్‌ చిత్రీకరణ ప్రారంభించుకోనుందని సమాచారం. 1980ల నేపథ్యం ఉన్న మాస్‌ యాక్షన్‌ కథాంశంతో ఈ చిత్రం రూపొందనుందని తెలుస్తోంది. ఇందులో బాలకృష్ణ మునుపెన్నడూ చేయని శక్తిమంతమైన పాత్రలో.. సరికొత్త లుక్‌తో కనిపించనున్నారు.
‘భగవంత్ కేసరి’ చిత్రం ప్రమోషన్స్‌లో భాగంగా శ్రీలీల ఆసక్తికర విషయాలను పంచుకున్నారు. షూటింగ్‌లో బాలకృష్ణను చూడగానే భయమేసిందన్నారు. ‘ఆయన్ను కలిసి మాట్లాడగానే టెన్షన్ అంతా మాయమైపోయింది. చిన్న పిల్లాడి మనస్తత్వం ఆయనది. స్వీట్ పర్సన్, ఈ సినిమాలో తొలి షాట్‌లొ నేను పుషప్స్ చేయలేకపోతుంటే ఆయన పట్టుబట్టి చేయిస్తుంటారు. చిత్రీకరణ పూర్తయిన తర్వాత నిజంగా నీకు పుషప్స్ చేయడం రాదా? బాలకృష్ణ అడిగారు. దర్శకుడే అలా చేయమన్నారని సమాధానమిచ్చా’ అని శ్రీలీల చెప్పుకొచ్చారు.
హీరో బాలకృష్ణ నటించిన ‘భగవంత్ కేసరి’ చిత్రంపై రచయిత పరుచూరి గోపాలకృష్ణ ప్రశంసలు కురిపించారు. భగవంత్ కేసరి సినిమా ఎంత గొప్పగా ఉందో టైలర్ చూస్తేనే అర్థమవుతుందన్నారు. ‘అఖండ’ చిత్రం తర్వాత బాలకృష్ణలో చాలా మార్పు వచ్చిందన్నారు. దసరాకు విడుదలవుతున్న ఈ చిత్రం ప్రేక్షకులను మెప్పిస్తుందని చెప్పారు. సినిమా పెద్ద హిట్ కావాలని మనస్పూర్తిగా కోరుకుంటున్నట్లు చెప్పారు. సినిమాలో డైలాగ్స్ అద్భుతంగా ఉన్నాయని పరుచూరి కొనియాడారు.
@2021 KTree