సినీ రంగంలో కష్టపడి పనిచేస్తేనే ఫలితం ఉంటుందని హీరో చిరంజీవి అన్నారు. ఓ పుస్తకావిష్కరణలో ఆయన మాట్లాడుతూ.. ‘ప్రతి మనిషి నిరంతరం ప్రయత్నిస్తూనే ఉండాలి. సినిమాల్లో ఎంతో కష్టపడి ఒళ్లు హూనం చేసుకుంటేనే నాకు తృప్తిగా ఉంటుంది కష్టపడి డ్యాన్స్‌లు, ఫైట్‌లు చేయాలని ఎప్పుడూ అనుకుంటూ ఉంటాను. మనం ఆడాలి, నిజంగానే ఫైట్లు చేయాలి. ఒళ్లు హూనం చేసుకోవాలి. అలాచేయకపోతే దర్శక-నిర్మాతలకు, సినిమా చూసే ప్రేక్షకులకు తృప్తి ఉండదు. అలాగే నాకు కూడా తృప్తిగా ఉండదు. అందుకే కష్టపడాలి’ అని చిరంజీవి చెప్పుకొచ్చారు.