తమిళనాడు అసెంబ్లీలో సీఎం స్టాలిన్‌ కీలక నిర్ణయం తీసుకున్నారు. తంజావూరులోని వ్యవసాయ కళాశాల, పరిశోధనా సంస్థకు భారత హరితవిప్లవ పితామహుడు డాక్టర్‌ ఎం.ఎస్‌.స్వామినాథన్‌ పేరు పెడుతున్నట్టు తెలిపారు. అలాగే వ్యవసాయ విశ్వవిద్యాలయంలో టాపర్లుగా నిలిచిన వారిని సత్కరించేందుకు స్వామినాథన్‌ పేరిట అవార్డును ఏర్పాటు చేస్తామని పేర్కొన్నారు. తంజావూరులోని ఈచన్‌కోట్టైలో ఉన్న ఇన్‌స్టిట్యూట్‌ను స్వామినాథన్‌ అగ్రికల్చరల్‌ కాలేజ్‌ అండ్‌ రీసెర్చ్‌ ఇన్‌స్టిట్యూట్‌గా మారుస్తామని స్టాలిన్ స్పష్టం చేశారు.