కర్నూలు నగరపాలక సంస్థ అధికారుల తీరుపై స్థానిక రజకులు వినూత్న రీతిలో నిరసన తెలిపారు. కార్యాలయంలోకి గాడిదలను తీసుకెళ్లి రజకులు ఆందోళన చేశారు. ట్రాఫిక్‌కు ఇబ్బంది కలుగుతోందంటూ తమ గాడిదలను తీసుకెళ్లిన అధికారులు వాటికి తిండి పెట్టలేదని వారు ధర్నా చేశారు. అధికారుల తీరు వల్ల రెండు గాడిదలు చనిపోవడంతో పాటు మరికొన్ని గాయాల పాలయ్యాయని ఆవేదన వ్యక్తం చేశారు. తమకు ధోబీ ఘాట్లు నిర్మించడంతో పాటు గాడిదల ఆవాసానికి ప్రత్యేక ఏర్పాట్లు చేయాలని డిమాండ్ చేశారు.