జమ్మూ కశ్మీర్‌లో పెద్ద ఎత్తున డ్రగ్స్‌ తరలిస్తున్న ముఠాను పోలీసులు పట్టుకున్నారు. నిందితుల వద్ద నుంచి భారీగా కొకైన్‌ను స్వాదీనం చేసుకుని సీజ్ చేశారు. పట్టుబడిన 30 కిలోల కొకైన్‌ విలువ రూ.300 కోట్లు ఉంటుందని పోలీసులు అంచనా వేస్తున్నారు. ఈ డ్రగ్స్‌ అక్రమ రవాణా వ్యవహారంలో ఇద్దరు వ్యక్తులను పోలీసులు అరెస్టు చేశారు. జమ్మూ-శ్రీనగర్ జాతీయ రహదారిలోని బేనీహాల్‌ వద్ద రాత్రి ఓ వాహనాన్ని అడ్డుకున్నారు. తనిఖీ చేయగా అందులో భారీగా డ్రగ్స్‌ బయటపడింది.