చైనాలో జననాల రేటు గణనీయంగా తగ్గిపోతుండంతో ఆ దేశ అధ్యక్షుడు జిన్‌పింగ్‌లో భయం నెలకొంది. ఈ నేపధ్యంలోనే దేశంలోని యువతులంతా పెళ్లి చేసుకోవాలని మరోమారు ఆయన పిలుపునిచ్చారు. తాజాగా ఓ సమావేశానికి హాజరైన జిన్‌పింగ్‌ యువతులు పెళ్లి చేసుకుని, పిల్లలను కనాలని విజ్ఞప్తి చేశారు. 2022లో చైనా సంతానోత్పత్తి రేటు చారిత్రాత్మకంగా పడిపోయి 1.09కి చేరుకుంది. దేశంలో పిల్లలు లేని జంటల సంఖ్య రెండింతలు పెరిగింది.