ఇజ్రాయెల్‌లో హమాస్‌ జరిపిన దాడిలో తొమ్మిది మంది అమెరికాన్లు ప్రాణాలు కోల్పోయారు. కొద్ది మంది అమెరికన్‌ పౌరుల ఆచూకీ తెలియకుండా పోయిందని అమెరికా వెల్లడించింది. తొలుత నలుగురు చనిపోయినట్లు పేర్కొనగా.. తాజాగా ఆ సంఖ్య తొమ్మిదికి చేరిందని అమెరికా ప్రకటించింది. అయితే, ఆచూకీ తెలియని వారు బందీలుగా ఉన్నారా..? చనిపోయారా..? అన్నది స్పష్టత లేదని వాషింగ్టన్‌ వెల్లడించింది.