ఆదిపురుష్ నుంచి జైశ్రీరాం లిరికల్ మోషన్ పోస్టర్‌ని మేకర్స్ విడుదల చేశారు. సరస్వతీ పుత్ర రామజోగయ్య శాస్త్రి లిరిక్స్ అందించగా అజయ్- అతుల్ స్వరాలు సమకూర్చారు. 1.03 నిమిషాల నిడివితో ఈ లిరికల్ వీడియో ఉంది. ‘సహచరులై మేం వస్తున్నాం.. సఫలం స్వామి కార్యం’ అంటూ సాగే గీతం ఆకట్టుకుంటోంది. ప్రభాస్ రాముడిగా, కృతిసనన్ సీత పాత్రలో నటించారు. సైఫ్ అలీఖాన్ ప్రతినాయక పాత్ర పోషించారు. జూన్ 16న పాన్ ఇండియా స్థాయిలో సినిమాను రిలీజ్ చేయనున్నారు.