ఫిఫా వరల్డ్‌కప్ గెలిచిన ఆనందంలో అర్జెంటీనా ఆటగాళ్లు సంబరాల్లో మునిగిపోయారు. అర్జెంటీనా డ్రెస్సింగ్ రూమ్‌లో జట్టు సభ్యులు హంగామా చేశారు. ప్లేయర్లందరూ కలసి పాట పాడుతూ, డ్యాన్స్ చేస్తూ రచ్చ చేశారు. అర్జెంటీనా కెప్టెన్ లియోనల్ మెస్సీ డైనింగ్ టేబుల్‌పై డ్యాన్స్ చేశాడు. ఒకరిపై ఒకరు షాంపేన్ జల్లుకుంటూ సందడి చేశారు. సెల్ఫీలు, వీడియోలు తీసుకుంటూ బిజీబిజీగా గడిపారు. ట్రోఫీని ముద్దాడటానికి ఆటగాళ్లు పోటీ పడ్డారు. ఇందుకు సంబంధించిన వీడియో నెట్టింట్లో వైరల్‌గా మారింది.