నోకియా సంస్థ తమ ఉద్యోగులకు షాకివ్వనుంది.ఈ మేరకు ఆ సంస్థ పెద్ద ఎత్తున ఉద్యోగులను తొలగించాలని నిర్ణయించింది. ఖర్చు తగ్గించుకునేందుకు 14 వేల మంది సిబ్బందికి ఉద్వాసన పలుకుతున్నట్లు ప్రకటించింది. ఈ తొలగింపులు దశలవారీగా ఉంటాయని నోకియా వెల్లడించింది. మార్కెట్‌లో నోకియా 5జీ పరికరాలకు డిమాండ్‌ తగ్గింది. దీంతో మూడో త్రైమాసికంలో విక్రయాలు 20 శాతం తగ్గుముఖం పట్టాయి. దీంతో ఖర్చుల్ని తగ్గించుకోవాలని నోకియా నిర్ణయించుకుంది.