భారత నౌకాదళ మాజీ అధికారులుకు ఖతార్‌ కోర్టు మరణశిక్ష విధించింది. గూఢచర్యం ఆరోపణలపై 8 మందికి శిక్ష విధిస్తున్నట్లు వెల్లడించింది. దీనిపై భారత విదేశాంగశాఖ స్పందించింది. ఈ వార్త తమనెంతో దిగ్భ్రాంతికి గురిచేసిందని పేర్కొంది. దీనిపై న్యాయపోరాటం చేస్తామని వెల్లడించింది. చట్టపరంగా ఉన్న అన్ని అవకాశాల కోసం అన్వేషిస్తున్నామని చెప్పింది. ఈ తీర్పుకు సంబంధించిన విషయాన్ని ఖతర్‌ అధికారుల దృష్టికి తీసుకెళ్తామని భారత విదేశాంగ శాఖ పేర్కొంది.