తెలంగాణలో విభిన్న వాతావరణ పరిస్థితులు నెలకొన్నాయి. పగలు వేడిమి, రాత్రి తీవ్రమైన చలితో ఒక్కసారిగా వాతావరణం మారిపోయింది. శనివారం హైదరాబాద్‌- హయత్ నగర్‌లో సాధారణం కన్నా తక్కువగా 21 డిగ్రీలు, మెదక్‌లో 5 డిగ్రీలు తక్కువగా 13.4, రామగుండంలో 2.4 డిగ్రీలు తక్కువగా 17.7 డిగ్రీల సెల్సియస్ ఉష్ణోగ్రత నమోదయ్యాయి. కాగా ఈరోజు తెలంగాణలో అక్కడక్కడ మోస్తరు వర్షాలు కురిసే అవకాశం ఉందని వాతావరణశాఖ తెలిపింది.