సూపర్ స్టార్ కృష్ణకు అశ్రు నయనాల మధ్య వీడ్కోలు పలికారు. బంధుమిత్రులు, అభిమానులు కన్నీటి నివాళి అర్పించారు. ప్రభుత్వ లాంఛనాల మధ్య నటశిఖరానికి అంతిమ సంస్కారాలు చేశారు. హైదరాబాద్ మహాప్రస్థానంలోని మోక్షస్థల్ కలప దహన వాటికలో హిందూ సాంప్రదాయం ప్రకారం నిర్వహించారు. పోలీసులు గౌరవ వందనం చేసి గాల్లోకి మూడుసార్లు కాల్పులు జరిపారు. అంత్యక్రియలు పూర్తి చేసి కుటుంబ సభ్యులు వెళ్లిపోయిన తర్వాత చితి వద్దకు అభిమానులకు అనుమతిచ్చారు.

ప్రముఖ నటుడు సూపర్ స్టార్ కృష్ణ పార్థీవ దేహానికి అధికార లాంఛనాలతో అంత్యక్రియలు నిర్వహించనున్నారు. ఈ మేరకు సీఎం కేసీఆర్ నిర్ణయం తీసుకున్నారు. అంత్యక్రియలకు ప్రభుత్వం తరఫున ఏర్పాట్లు చేయాలని సీఎస్ సోమేశ్ కుమార్ కు ఆదేశాలు జారీ చేశారు. కృష్ణ మరణం తీరని లోటని అన్నారు. సొంత నిర్మాణ సంస్థ స్థాపించి నూతన ఒరవడులు సృష్చించారని వ్యాఖ్యానించారు. నాటి కార్మిక, కర్షక లోకం తమ అభిమాన హీరోగా సొంతం చేసుకున్నారని అన్నారు.