• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • ఏడాది పాటు వేడుకలు: కిషన్ రెడ్డి

    తెలంగాణ విమోచన వేడుకలను ఏడాది పాటు నిర్వహిస్తామని కేంద్రమంత్రి కిషన్ రెడ్డి స్పష్టం చేశారు. రేపు పరేడ్ గ్రౌండ్‌లో కర్ణాటక, మహారాష్ట్ర, తెలంగాణ నుంచి వచ్చిన 1300 మంది కళాకారులతో సాంస్కృతిక కార్యక్రమాలు ఉంటాయని చెప్పారు. కర్ణాటకలో హైదరాబాద్- కర్ణాటక ముక్తి దివాస్, మహారాష్ట్రలో మరఠ్వాడ ముక్తి దివాస్‌ పేరుతో ఎప్పటి నుంచో సెప్టెంబర్ 17న వేడుకలు జరుగుతున్నట్లు చెప్పారు. రేపు నిర్వహించే విమోచ దినోత్సవానికి సీఎం కేసీఆర్‌ను ఆహ్వానించినట్లు పేర్కొన్నారు.

    పోరాటాల గడ్డ తెలంగాణ: కేటీఆర్

    తెలంగాణ గడ్డకు పోరాటాలు కొత్తకాదని మంత్రి కేటీఆర్ అన్నారు. 1948లో రాచరికంపై, 1956లో ఆంధ్రాలో విలీనమైనప్పుడు తెలంగాణ ప్రజలు పోరాటాలు చేశారని గుర్తు చేశారు. భారత్‌లో హైదరాబాద్‌ సంస్థానం విలీనమైన రోజును స్మరించుకుంటూ ప్రభుత్వం 3 రోజులు వేడుకలు నిర్వహిస్తోందని చెప్పారు. ప్రత్యేకంగా రాష్ట్రంగా ఏర్పడిన తర్వాత దేశంలో సంక్షేమానికి కేరాఫ్ అడ్రస్‌గా తెలంగాణ నిలిచిందని తెలిపారు.

    పరేడ్ గ్రౌండ్‌లోనే విమోచన వేడుకలు: కిషన్ రెడ్డి

    తెలంగాణ విమోచన దినోత్సవం వేడుకలను కేంద్రం అధికారికంగా నిర్వహిస్తున్నట్లు మరోసారి కేంద్రమంత్రి కిషన్ రెడ్డి స్పష్టం చేశారు. ఆయన మీడియాతో మాట్లాడుతూ.. ‘సెప్టెంబర్ 17న పరేడ్ గ్రౌండ్‌లో విమోచన దినోత్సవం వేడుకలు నిర్వహిస్తున్నాం. ఈ వేడుకలకు కర్ణాటక, మహారాష్ట్ర, తెలంగాణ సీఎంలను ఆహ్వానిస్తున్నాం. 1947 ఆగస్టు 15 దేశానికి స్వాతంత్ర్యం వస్తే తెలంగాణకు రాలేదు. తెలంగాణ నిజాం పాలనలో ఉంది. 1948 సెప్టెంబర్ 17న తెలంగాణకు పోలీస్ యాక్షన్ చర్య ద్వారా విమోచనం లభించింది. ఆ రోజును స్మరించుకుంటూ వేడుకలు చేస్తున్నాం’ అని వివరించారు.

    విమోచన దినానికి పోటీగా టీఆర్ఎస్ ప్లాన్!

    తెలంగాణ విమోచన దినోత్సవాన్ని అధికారికంగా నిర్వహిస్తామని కేంద్రం ప్రకటించిన వేళ.. తెలంగాణ సర్కారు కీలక నిర్ణయం తీసుకున్నట్లు తెలుస్తోంది. కేంద్రం విమోచన దినోత్సవానికి పోటీగా కార్యక్రమాలు నిర్వహించనున్నట్లు సమాచారం. ఈమేరకు శనివారం జరిగే కేబినెట్, టీఆర్ఎస్ఎల్పీ సమావేశంలో దీనిపై చర్చించనున్నట్లు వార్తలు వస్తున్నాయి. సెప్టెంబర్ 17న తెలంగాణ రైతు పోరాటాలను హైలెట్ చేసే విధంగా కార్యక్రమాలు రూపొందించాలని ప్లాన్ చేస్తున్నట్లు తెలుస్తోంది.

    అధికారికంగా తెలంగాణ విమోచన దినోత్సవం

    కేంద్ర ప్రభుత్వం కీలక నిర్ణయం తీసుకుంది. టీఆర్ఎస్ సర్కారు అధికారికంగా జరపని తెలంగాణ విమోచన దినోత్సవాన్ని తాము అధికారికంగా నిర్వహించనున్నట్లు వెల్లడించింది. ఈనెల 17న సికింద్రాబాద్ పరేడ్ గ్రౌండ్‌లో ఈ వేడుకలు జరపనున్నట్లు పేర్కొంది. ఈ కార్యక్రమానికి కేంద్రమంత్రి అమిత్ షా, కర్ణాటక సీఎం హాజరు కానున్నారు. ఇప్పటికే తెలంగాణ విమోచన వేడుకలను ఏడాది పాటు నిర్వహించనున్నట్లు ఆర్ఎస్ఎస్ ప్రకటించింది. 1948 వరకు హైదరాబాద్ రాష్ట్రంగా ఉన్న తెలంగాణ.. పోలీస్ యాక్షన్ చర్యతో 1948 సెప్టెంబర్ 17న భారత్‌లో విలీనమైన సంగతి తెలిసిందే. ఆ … Read more

    కేంద్రం నిరంకుశత్వం పరాకాష్ఠకు చేరింది

    తెలంగాణపై కేంద్రం ఆదినుంచీ వివక్షను చూపెడుతోందని సీఎం కేసీఆర్ ధ్వజమెత్తారు. పన్నులను సెస్సులుగా మార్చి లక్షల కోట్ల రాష్ట్రాల వాటాను నిస్సిగ్గుగా హరిస్తోందని ఆరోపించారు. ప్రోత్సాహకాలు ఇవ్వకపోగా ఆర్థిక స్వేచ్ఛను కాలరాస్తోందని కేసీఆర్ విమర్శించారు. రాష్ట్రాలను మరింత బలహీనపరిచేందుకు ప్రయత్నిస్తోందని విమర్శించారు. రాష్ట్రం విన్నపాలు చెవిటోడి ముందు శంఖం ఊదినట్లే తయారయ్యాయని దుయ్యబట్టారు. మతపిచ్చితో విద్వేషాలు రెచ్చగొట్టడమే ఎజెండాగా పనిచేస్తున్నారని ఆరోపించారు. పరివర్తన కోసం పట్టుదలతో పోరాడతామని కేసీఆర్ స్పష్టంచేశారు. ప్రగతిభవన్ లో జరిగిన రాష్ట్ర ఆవిర్భావ వేడుకల్లో కేసీఆర్ ఈ వ్యాఖ్యలు చేశారు.

    02/06/2022 ప్రధానాంశాలు @8.30AM

    – నేడు తెలంగాణ వ్యాప్తంగా తెలంగాణ ఆవిర్భావ దినోత్సవ వేడుకలు – అమెరికాలో మరోసారి కాల్పుల మోత.. ఓక్లహామాలో దుండగులు కాల్పులు.. ఒక డాక్టర్, ఇద్దరు నర్సులు మృతి – తిరుమలలో లడ్డూ కొనుగోళ్లపై పరిమితి విధింపు – తెలంగాణలో 4 రోజుల పాటు అధిక ఉష్ణోగ్రతలు – నేడు ఢిల్లీకి వెళ్లనున్న సీఎం జగన్ – షరతులతో ఉక్రెయిన్‌కు హైటెక్ రాకెట్లు పంపనున్న అమెరికా – ఏపీ TETను ఆగష్టులో నిర్వహించేందుకు కసరత్తు – జులై 22 నుంచి వెస్టిండీస్‌లో పర్యటించనున్న టీమిండియా

    8వ పుట్టినరోజు జరుపుకుంటున్న తెలంగాణ

    తెలంగాణ రాష్ట్ర అవతరణ దినోత్సవ వేడుకలు ఇవాళ రాష్ట్ర వ్యాప్తంగా నిర్వహించనున్నారు. 2014 జూన్ 2న ఆవిర్భావించిన తెలంగాణ రాష్ట్రం నేడు 8వ వడిలోకి అడుగుపెట్టింది. ఈ వేడుకల సందర్భంగా సీఎం కేసీఆర్ హైదరాబాద్ పబ్లిక్ గార్డెన్ లో జాతీయ జెండాను ఎగురవేయనున్నారు. ఆ తర్వాత సంగీత కార్యక్రమాలు నిర్వహించనున్నారు. మరోవైపు రాష్ట్రంలోని అన్ని జిల్లాలు, గ్రామాల్లో కూడా ఆవిర్భావ వేడుకలు జరపనున్నారు.