సినిమా టికెట్‌ ధరలు చర్చనీయాంశంగా మారిన ప్రస్తుత పరిస్థితుల్లో ‘జహా చార్‌ యార్‌’ చిత్రబృందం క్రేజీ నిర్ణయం తీసుకుంది. నేషనల్‌ సినిమా డే సందర్భంగా సెప్టెంబర్‌ 16న ఈ మూవీ విడుదల కాబోతోంది. ఈ నేపథ్యంలో తొలిరోజు తమ సినిమా టికెట్‌ ధరను రూ.75గా చిత్రబృందం నిర్ణయించింది. దేశవ్యాప్తంగా అన్ని థియేటర్లలోనూ తొలి రోజు తమ సినిమా కేవలం రూ.75కే చూడొచ్చని తెలిపింది. వినోద్‌ బచ్చన్‌ తెరకెక్కిస్తున్న ఈ సినిమాలో స్వర భాస్కర్‌తో పాటు పలువురు నటిస్తున్నారు.