మెగాస్టార్ చిరంజీవి ఓ కార్యక్రమంలో ఆసక్తికర విషయాలను పంచుకున్నారు. ‘ కొందరు జర్నలిస్టులు రాసిన న్యూస్ దుమారం సృష్టిస్తుంటాయి. నేను కూడా కొన్ని వార్తల వల్ల బాధపడిన సందర్భాలు ఉన్నాయి. వాటి ప్రభావం ఇంకా నా జీవితంపై ఉంది అలానే జర్నలిస్టుల పెన్నుకు ఉన్న పవర్ అంతా ఇంతా కాదని, దాని ద్వారా మంచి చెప్పొచ్చు’ అని మెగాస్టార్ చెప్పుకొచ్చారు. ప్రస్తుతం చిరు ‘బింబిసార’ ఫేమ్ వశిష్ఠ్ దర్శకత్వంలో ఓ మూవీ చేస్తున్నారు.

మెగాస్టార్ చిరంజీవి ట్విటర్‌లో షేర్ చేసిన ఓ ఫొటో అభిమానులను ఆకట్టుకుంటోంది. క్లీన్ షేవ్‌‌ చేసుకుని యంగ్ లుక్‌తో ఉన్న చిరూను చూసి అభిమానులు ‘చిరు లుక్ అదుర్స్’ అంటూ కామెంట్స్ చేస్తున్నారు. సినీ పరిశ్రమలో 50 ఏళ్లు పూర్తి చేసుకున్న రచయిత సత్యానంద్‌ను చిరంజీవి కలిసి అభినందించారు. ఈ క్రమంలో ఆయనతో కలిసి తీసుకున్న ఫొటోను చిరు పోస్ట్ చేశారు. ఈ ఫొటోలో కనిపిస్తున్న చిరు న్యూ లుక్ వశిష్ఠ దర్శకత్వంలో రూపొందనున్న సినిమా కోసమే అనే చర్చ జరుగుతోంది.