కాంగ్రెస్ పార్టీ ఇచ్చిన హామీలను అధికారంలోకి రాగానే వెంటనే అమలు చేస్తామని జానారెడ్డి అన్నారు. ‘మా పథకాలను చూసి కేసీఆర్‌ తన పథకాలను మార్చుకున్నారు. మేనిఫెస్టోలో వచ్చిన పథకాలను కాంగ్రెస్ పార్టీని చూసి భయపడే వచ్చినవే. మేము చెప్పింది చేస్తాం. నిజంగా పథకాలు అమలులోకి రావాలంటే కాంగ్రెస్ పార్టీ మాత్రమే అధికారంలో ఉండాలి’ అని జానా రెడ్డి అన్నారు. మరోవైపు కాంగ్రెస్ మేనిఫెస్టో చూసి కేసీఆర్‌కు చలి జ్వరం పుట్టుకొచ్చిందని రేవంత్ రెడ్డి ఎద్దేవా చేశారు. అందుకే మేనిఫెస్టోను కాపీ కొట్టారన్నారు.