‘టైగర్‌ నాగేశ్వరరావు’ సక్సెస్‌ మీట్‌లో చిత్ర డైరెక్టర్‌ వంశీ ఆసక్తికర వ్యాఖ్యలు చేశారు. భవిష్యత్తులో తాను గొప్ప చిత్రాలు తెరకెక్కిస్తానని రవితేజకు మాటిచ్చారు. ‘నా కెరీర్‌లో ఇదే పెద్ద సినిమా. ప్రేక్షకుల నుంచి అద్భుతమైన స్పందన వస్తోంది. రవి సర్‌.. ఈ ప్రయాణం ఇంతటితో ఆగిపోలేదు. స్క్రిప్ట్ పట్టుకుని రోడ్లపై తిరుగుతున్నప్పుడు మీరే నాకు ఈ ప్లాట్‌ఫామ్‌ ఇచ్చారు. ఈ రోజు నేను మీకు మాటిస్తున్నా. వీడు నావాడు అని మీరు గర్వించేలా సినిమాలు చేస్తా’ అని వంశీ అన్నారు.