TG: రాష్ట్ర భాజపాపై తెలంగాణ మంత్రి హరీశ్‌రావు విమర్శలు గుప్పించారు. దుబ్బాకలో దివంగత ఎమ్మెల్యే రామలింగారెడ్డి విగ్రహాన్ని ఆవిష్కరించిన మంత్రి.. అనంతరం మాట్లాడారు. గన్నుతో, పెన్నుతో పోరాటం చేసిన వ్యక్తి రామలింగారెడ్డి అని కొనియాడారు. దుబ్బాకలో భాజపా ఎమ్మెల్యే రఘునందన్‌రావు చేసిందేమీ లేదని మండిపడ్డారు. ‘రాష్ట్రంలో భాజపా లేచేది లేదు. కాంగ్రెస్‌ గెలిచేది లేదు. ఎవరెన్ని ట్రిక్కులు చేసినా .. హ్యాట్రిక్‌ కొట్టేది సీఎం కేసీఆరే’ అని హరీశ్‌ అన్నారు.