తెలంగాణ ఎన్నికల్లో పోటీ చేసేందుకు టీడీపీ సిద్ధంగా ఉందని ఆ పార్టీ టీ-టీడీపీ అధ్యక్షుడు కాసాని జ్ఞానేశ్వర్ తెలిపారు. 87 స్థానాల్లో పోటీకి అభ్యర్థులు సిద్దంగా ఉన్నారని పేర్కొన్నారు. తెలంగాణలో రాజకీయ పరిస్థితులపై జైలులో ఉన్న చంద్రబాబుతో చెర్చించినట్లు కాసాని తెలిపారు. రాష్ట్రంలో టీడీపీ బలంగా ఉందని చెప్పారు. జనసేనతో ముందుకెళ్లాలా? లేదా? అనేది చర్చిస్తామని చెప్పారు. త్వరలోనే అభ్యర్థులు ఖరారు, మేనిఫెస్టో విడుదల చేస్తామని కాసాని వెల్లడించారు.