‘కండోమ్‌లు కూడా ఇవ్వాలా?’ బిహార్‌ అధికారి వ్యాఖ్యలు

బిహార్‌ మహిళా, శిశు సంక్షేమాభివృద్ధి శాఖ అధికారి వివాదస్పద వ్యాఖ్యలు చేశారు. పాట్నాలో జరిగిన ఓ కార్యక్రమంలో పాల్గొన్న అధికారి ఓ బాలిక అడిగన ప్రశ్నకు అనుచిత రీతిలో సమాధానమిచ్చారు. కార్యక్రమంలో పాల్గొన్న ఓ బాలిక ‘ ప్రభుత్వం ఇన్ని ఉచితంగా ఇస్తోంది కదా! రూ.20-30 ఉండే శానిటరీ నాప్కిన్స్‌ ఇవ్వలేదా?’ అని ప్రశ్నించింది. ఈ ప్రశ్నకు అక్కడున్న వారంతా చప్పట్లు కొట్టడంతో అసహనానికి గురైన అధికారి హర్జోత్‌ కౌర్‌ భమ్రా..తీవ్రంగా స్పందించారు. ‘ఇప్పుడు నాప్కిన్లు, రేపు జీన్స్, ఎల్లుండి కండోమ్‌లు.. అన్నీ మీకు ఉచితంగానే కావాలా?’ అంటూ వివాదస్పద వ్యాఖ్యలు చేశారు. ట్విటర్ గుర్తుపై క్లిక్‌ చేసి వీడియో చూడండి.