లిఫ్ట్‌ వచ్చిందనుకుని వెళ్లి మహిళ మృతి

ఖమ్మంలోని ఓ ప్రైవేటు ఆసుపత్రిలో విషాదకర ఘటన వెలుగుచూసింది. లిఫ్ట్‌ వచ్చిందనుకుని అందులోకి వెళ్లిన మహిళ తీవ్రంగా గాయపడి ప్రాణాలు కోల్పోయింది. బంధువులను పరామర్శించేందుకు వెళ్లిన మహిళ తానే ప్రాణాలు కోల్పోయింది. రెండో ఫ్లోర్లో లిఫ్ట్‌ బటన్ నొక్కిన మహిళ..లిఫ్ట్‌ రాకముందే ఫోన్ మాట్లాడుకుంటూ అందులోకి వెళ్లింది. ఒక్కసారిగా గుంతలో పడి ప్రాణాలు కోల్పోయింది. మృతురాలు వైరా మండలం గొల్లన్నపాడుకు చెందిన ప్రమీలగా గుర్తించారు.