రూ.12 కోట్ల కారు కొన్న హైదరాబాద్ వాసి

రూ.12కోట్ల విలువైన కారును హైదరాబాద్ వాసి కొనుగోలు చేశారు. ఖరీదైన కార్ల తయారీ సంస్థ మెక్‌లారెన్.. భారత్‌లోనూ డీలర్‌షిప్‌ని ప్రారంభించింది. ముంబైలో ప్రారంభం అనంతరం తొలి కస్టమర్‌కు ‘మెక్‌లారెన్ 765ఎల్టీ స్పైడర్’ మోడల్ కారును పంపిణీ చేసింది. హైదరాబాద్‌కి చెందిన వ్యాపారవేత్త నసీమ్ ఖాన్ ఈ కారును కొనుగోలు చేయడం విశేషం. ఈ కారు ధర సుమారు రూ.12కోట్లు ఉంటుందని అంచనా. కారు డెలీవరీ తీసుకోవడం చాలా సంతోషకరమని నసీమ్ ఖాన్ ఇన్‌స్టాగ్రాం ద్వారా వెల్లడించారు. కారుకు సంబంధించిన వీడియోను ఆయన అందులో పంచుకున్నారు.