HMD గ్లోబల్ తన సరికొత్త HMD స్కైలైన్ స్మార్ట్‌ఫోన్ను త్వరలో భారత మార్కెట్లోకి లాంచ్ చేయనున్నట్లు అధికారిక టీజర్ ద్వారా వెల్లడించింది. ఈ ఫోన్ ప్రపంచ మార్కెట్లోకి ఈ ఏడాది జూలైలో ఆవిష్కరించబడింది. HMD బ్రాండ్ కింద వస్తున్న మొట్టమొదటి హై-ఎండ్ స్మార్ట్‌ఫోన్ ఇదే అని చెప్పొచ్చు. ఇది పాత నోకియా లూమియా ఫ్యాబులా డిజైన్ స్ఫూర్తితో రూపొందించబడినట్లు సమాచారం.
అధికారిక టీజర్
తాజాగా HMD తన అధికారిక X ఖాతా ద్వారా స్కైలైన్ స్మార్ట్‌ఫోన్ గురించి ప్రస్తావించింది. ఈ పోస్ట్‌లో “ఆకాశాన్ని తాకడం అంటే ఏమిటి” అన్న సందేశం స్కైలైన్ ఫోన్ విడుదలకు గల సంకేతాలను ఇస్తోంది.
గ్లోబల్ వేరియంట్ ఫీచర్లు
HMD స్కైలైన్ 2023 జూలైలో ప్రపంచ మార్కెట్లో విడుదలైంది. ఈ ఫోన్ ప్రధాన ఫీచర్లు క్రింది విధంగా ఉన్నాయి:
- డిస్ప్లే: 6.55-అంగుళాల P-OLED FHD+ స్క్రీన్, 144Hz రిఫ్రెష్ రేట్, గొరిల్లా గ్లాస్ 3 రక్షణ, 1000 నిట్స్ వరకు బ్రైట్‌నెస్‌ ను అందిస్తుంది. IP54 రేటింగ్ కారణంగా పరికరం దుమ్ము మరియు నీటి నిరోధకతను కలిగి ఉంది
- ప్రాసెసర్: స్నాప్‌డ్రాగన్ 7s జెన్ 2 చిప్‌సెట్
- రామ్ & స్టోరేజ్: 12GB వరకు రామ్, 256GB ఆన్‌బోర్డ్ స్టోరేజ్
- కెమెరా: 108MP ప్రధాన కెమెరా (OIS సపోర్ట్‌తో), 13MP అల్ట్రావైడ్ లెన్స్, 50MP టెలిఫోటో లెన్స్, 50MP ఫ్రంట్ కెమెరా (ఆటో ఫోకస్‌)తో వస్తుంది. తద్వారా లైట్‌తో సంబంధం లేకుండా నాణ్యమైన ఫొటోలు తీయవచ్చు.
- బ్యాటరీ: 4600mAh బ్యాటరీ, 33W వైర్డ్ ఛార్జింగ్, 15W వైర్‌లెస్ ఛార్జింగ్, 5W రివర్స్ వైర్‌లెస్ ఛార్జింగ్ సపోర్ట్ చేస్తుంది
- సాఫ్ట్‌వేర్: Android 14 తో రాబోతోంది, రెండు ప్రధాన OS అప్‌గ్రేడ్స్‌తో పాటు మూడు సంవత్సరాల పాటు భద్రతా పరమైన ఫీచర్లు లభిస్తాయి.
స్మార్ట్‌ఫోన్ ఇతర ప్రత్యేకతలు
HMD స్కైలైన్‌లో మరిన్ని అదనపు ఫీచర్లు కూడా ఉన్నాయి:
- సైడ్ మౌంటెడ్ ఫింగర్‌ప్రింట్ సెన్సార్
- డ్యూయల్ స్పీకర్లు
- మైక్రో SD కార్డ్ స్లాట్ (స్టోరేజ్ విస్తరణకు)
- IP54 రేటింగ్ (దుమ్ము మరియు నీటి నిరోధకత)
అంచనా ధర
HMD స్కైలైన్ గ్లోబల్ వేరియంట్ ధర $499 (దాదాపు రూ. 42,000) గా ఉంది. ఇండియన్‌ మార్కెట్లో ఇది మీడియం బడ్జెట్‌ రేంజ్ స్మార్ట్‌ఫోన్‌లతో పోటీ పడనుంది. HMD స్కైలైన్ స్మార్ట్‌ఫోన్ ఆకట్టుకునే ఫీచర్లు.. వినియోగదారులను ఇట్టే ఆకర్షించే అవకాశం ఉంది. ఇంకా ఈ స్మార్ట్‌ఫోన్ భారత మార్కెట్లో మోటరోలా, సామ్సంగ్, షావోమి వంటి బ్రాండ్లతో పోటీ పడుతుందనే అభిప్రాయం వ్యక్తం అవుతోంది.
