కొత్త జెర్సీలో మెరిసిన టీమ్‌ఇండియా

వెస్టిండీస్‌తో జరిగే వన్డే సిరీస్‌లో టీమిండియా కొత్త జెర్సీతో బరిలోకి దిగనుంది. ఈ నేపథ్యంలో కొత్త భాగస్వామి అడిడాస్‌ కొత్త జెర్సీ రిలీజ్ చేసింది. భారత జట్టులోని ఆటగాళ్లందరూ కొత్త జెర్సీతో ఫొటోషూట్‌ చేశారు. ఇందుకు సంబంధించిన వీడియోను బీసీసీఐ ట్విట్టర్‌లో షేర్‌ చేసింది. కొత్త జెర్సీలో భారత జట్టు వెస్టిండీస్‌తో మూడు వన్డేలు ఆడనుంది. అలాగే ఆస్ట్రేలియా, ఆసియా క్రీడల్లోనూ టీమిండియా ఇదే జెర్సీతో కనిపించనుంది.