తెలుగు చిత్ర పరిశ్రమలో రీ రిలీజ్ హవా కొనసాగుతున్న విషయం తెలసిందే. డిసెంబర్ 31న పవర్ స్టార్ పవన్ కల్యాణ్ నటించిన ఖుషీ విడుదల అవుతుంది. ఈ సినిమా టికెట్లకు సంబంధించి ఆసక్తికరమైన విషయం వెలుగులోకి వచ్చింది. చాలా థియేటర్లలో రిలీజ్ చేస్తున్నప్పటికీ టికెట్లు దొరకడం లేదట. మార్నింగ్‌ షోకు ఒక్కో టికెట్ ధర ఏకంగా రూ. 1000 వరకు అమ్ముతున్నారని టాక్. దీనిబట్టి పవర్ స్టార్ ఫాలోయింగ్ అర్థం చేసుకోవచ్చు.

పవర్ స్టార్ పవన్ కల్యాణ్ బ్లాక్ బస్టర్ చిత్రం ఖుషీ సినిమాను రీ రిలీజ్ చేయనుండగా..ఇందుకు సంబంధించిన ట్రైలర్ ను విడుదల చేశారు. అభిమానుల కోసం 4K ట్రైలర్ ను రిలీజ్ చేసినట్లు చిత్రబృందం ప్రకటించింది. డిసెంబర్ 31న పవర్ స్టార్ సందడి చేయనున్నట్లు వెల్లడించింది. ఇటీవల ప్రత్యేక రోజుల్లో కొన్ని బ్లాక్ బస్టర్ పాత చిత్రాలను ఫ్యాన్స్ కోసం విడుదల చేయటం జరుగుతుంది. దీనికి అభిమానుల నుంచి భారీ స్పందన వస్తుందని నిర్మాతలు తెలిపారు. అందుకే షో వేస్తున్నామని వెల్లడించారు.