16న ఉత్తరాంధ్రలో జగన్ పర్యటన
AP: సీఎం జగన్ ఈ నెల 16న విశాఖ, అనకాపల్లి జిల్లాల్లో పర్యటిస్తారు. ఉ. 9 గం.లకు తాడేపల్లి నుంచి బయలుదేరి విశాఖలోని ఇన్ఫోసిస్‌ డెవలప్‌మెంట్‌ సెంటర్‌ను సీఎం ప్రారంభిస్తారు. తర్వాత హెలిప్యాడ్‌ వద్ద జీవీఎంసీ బీచ్‌ క్లీనింగ్‌ మిషన్లు ప్రారంభిస్తారు. దాని తర్వాత అనకాపల్లి జిల్లా పరవాడ చేరుకోని జవహర్‌లాల్‌ నెహ్రూ ఫార్మాసిటీలో యుజియా స్టెరైల్‌ ప్రెవేట్‌ లిమిటెడ్‌ ప్రారంభోత్సవంలో సీఎం పాల్గొంటారు. తర్వాత అచ్యుతాపురంలో లారస్‌ ల్యాబ్స్‌ యూనిట్‌ 2 ఫార్ములేషన్‌ బ్లాక్‌ ప్రారంభిస్తారు. తిరిగి సాయంత్రం తాడేపల్లి నివాసానికి చేరుకుంటారు.
