బిర్యానీ తిని 40 మందికి అస్వస్థత

బిర్యానీ తిని 40 మంది విద్యార్థులు అస్వస్థతకు గురయ్యారు. ఈ ఘటన వరంగల్‌లోని బట్టుపల్లి ఎస్సార్ ప్రైమ్ క్యాంపస్‌లో చోటు చేసుకుంది. ఆదివారం రాత్రి విద్యార్థులందరూ క్యాంపస్ క్యాంటీన్‌లో చికెన్ బిర్యానీ తిన్నారు. సోమవారం ఉదయం 40 మంది విద్యార్థులు వాంతులు, విరేచనాలు, కడుపునొప్పితో అస్వస్థతకు గురయ్యారు. వారిని వెంటనే ఓ ఆస్పత్రికి తరలించారు. వారిలో 15 మంది డిశ్చార్చి అయ్యారు. మరో 15 మందికి ఎమర్జెన్సీ వార్డులో చికిత్స అందిస్తున్నారు.