వాగులో కొట్టుకుపోయిన పీడీఎస్ బియ్యం లోడ్ లారీ

దేశవ్యాప్తంగా పలు చోట్ల భారీ వర్షాలు కురుస్తున్నాయి. ఈ నేపథ్యంలో ఛత్తీస్‌గఢ్‌ బీజాపూర్‌ జిల్లాలో పీడీఎస్‌ బియ్యం లోడ్‌తో వెళ్తున్న లారీ వరద నీటిలో కొట్టుకుపోయింది. మెట్టుపల్లి అడవుల నుంచి ప్రవహించే వాగు దాటుతుండగా సాంకేతిక లోపంతో ట్రక్కు ఇంజన్ ఆగిపోయింది. ఈ క్రమంలో వాగులో నీటిమట్టం ఒక్కసారిగా పెరిగి వరద ఉద్ధృతి ఎక్కువైంది. దీంతో ఆ ప్రవాహంలో ట్రక్కు కోట్టుకుపోగా డ్రైవర్ వంతెనను వదిలి సురక్షిత ప్రదేశానికి చేరుకున్నాడు. అక్కడి తహశీల్దార్, ఆహార శాఖ అధికారులు సంఘటనా స్థలానికి చేరుకున్నారు.