హైద‌రాబాద్ మెట్రో స్టేష‌న్‌లో అమితాబ్..ఫోటోలు వైర‌ల్

బిగ్ బి అమితాబ్ బ‌చ్చ‌న్ ప్ర‌భాస్ హీరోగా న‌టిస్తున్న‌ ప్రాజెక్ట్ కే సినిమాలో కీల‌క పాత్ర పోషిస్తున్నాడు. సినిమా షూటింగ్ హైద‌రాబాద్‌లో జ‌రుగుతుండ‌టంతో అమితాబ్ కొంత‌కాలం నుంచి ఇక్క‌డే ఉంటున్నారు. ఇటీవ‌ల ప్రాజెక్ట్ కే కొత్త ఆఫీస్ ప్రారంభించిన‌ప్పుడు కూడా అక్క‌డికి వ‌చ్చారు. తాజాగా నేడు రాయ‌దుర్గం మెట్రోస్టేష‌న్‌లో ద‌ర్శ‌నమిచ్చారు. సినిమా షూటింగ్‌లో భాగంగా స్టేష‌న్‌లో ఆయ‌న‌పై స‌న్నివేశాన్ని చిత్రీక‌రించారు. దీంతో అమితాబ్‌ను చూసేందుకు ప్ర‌జ‌లు గుమిగూడారు. ఫోటోలు, వీడియోలు తీసుకుంటూ సంద‌డిచేశారు.