హృతిక్‌ రోషన్‌ ప్రధాన పాత్రల్లో నటిస్తున్న ‘వార్‌ 2’ చిత్రాన్ని అయాన్‌ ముఖర్జీ తెరకెక్కించనున్నారు. ఇందులో ఎన్టీఆర్ కీలక పాత్రలో నటిస్తున్న విషయం తెలిసిందే.. ఈ సినిమా.. వచ్చే నెలాఖరు నుంచి రెగ్యులర్‌ చిత్రీకరణ ప్రారంభించుకోనున్నట్లు తెలిసింది. ఈ చిత్రం కోసం ఎన్టీఆర్‌ జనవరి నుంచి డేట్లు కేటాయించారని టాక్. ‘దేవర’ తొలి భాగం చిత్రీకరణ డిసెంబరు చివరి నాటికి పూర్తి కానున్నట్లు ప్రచారం జరుగుతోంది. అందుకే తారక్‌ జనవరి నుంచి ‘వార్‌ 2’ సెట్లోకి అడుగు పెట్టేందుకు సన్నాహాలు చేసుకుంటున్నట్లు తెలుస్తోంది.