నటులైన మేము మనుషులమే కదా: మృణాల్

రష్మిక డీప్‌ఫేక్‌ వీడియోపై హీరోయిన్ మృణాల్‌ ఠాకూర్‌ స్పందించింది.. ఇలాంటి సంఘటనలు బాధాకరమంటూ ఇన్‌స్టా వేదికగా పోస్ట్ పెట్టింది. ‘అసలు సమాజం ఎటు వెళ్తుంది? మార్ఫింగ్‌ వీడియోలు చేసే వారికి సిగ్గుగా అనిపించట్లేదా. ఈ విషయంపై స్పందించినందుకు రష్మికకు ధన్యవాదాలు. స్పందించకుండా ఉంటే ఇలాంటివి జరుగుతూనే ఉంటాయి. మేము వృత్తి పరంగా నటులం. కానీ మేము మనుషులమే కదా. మనం మౌనంగా ఉండే సమయం కాదిది’ అని మృణాల్ పేర్కొంది.