నేపాల్‌లో పోటెత్తిన వరదలు

నేపాల్‌ను వరదలు ముంచెత్తాయి. ఇళ్లలోనికి భారీగా వరద నీరు వచ్చి చేరింది. వర్షాల ప్రభావంతో పలు చోట్ల కొండచరియలు విరిగిపడుతున్నాయి. వరదల్లో ఇప్పటి వరకు ఐదుగురు ప్రాణాలు కోల్పోయారు. మరో 28 మంది గల్లంతయ్యారు. వారి ఆచూకి ఇంకా లభించలేదు. భారీగా వానలు కురుస్తుండటంలో హేవా నది ఉప్పొంగి ప్రవహిస్తోంది. దీంతో నదికి ఆనుకొని ఉన్న ఇళ్లు కొట్టుకు పోయాయి. మరి కొద్ది రోజుల పాటు భారీ వర్షాలు కురిసే అవకాశం ఉండటంలో అధికారులు ప్రజలను సురక్షిత ప్రాంతాలకు తరలిస్తున్నారు.