టీమిండియా సెమీస్‌ బెర్త్ ఖాయమైందా?

ఇంగ్లాండ్‌పై విజయంతో టీమిండియా తన సెమీస్‌ బెర్త్‌ను దాదాపుగా ఖాయం చేసుకుంది. ఆడిన ఆరు మ్యాచ్‌ల్లో అయిదు ఓడిన ఇంగ్లాండ్‌ ఏదైనా అద్భుతం జరిగితే తప్ప సెమీస్‌ చేరే ఛాన్స్ లేదు. బంగ్లాదేశ్‌ కూడా 5 ఓటములతో సెమీస్‌ రేసు నుంచి దాదాపుగా తప్పుకుంది. 6 మ్యాచ్‌ల్లో 5 నెగ్గిన దక్షిణాఫ్రికా సెమీస్‌కు చేరువలో ఉంది. ఆసీస్‌ (6 మ్యాచ్‌ల్లో 4 విజయాలు), కివీస్‌ (6 మ్యాచ్‌ల్లో 4 విజయాలు) సెమీస్ రేసులో మెరుగైన స్థితిలో ఉన్నాయి. శ్రీలంక (5 మ్యాచ్‌ల్లో 2 విజయాలు), పాక్‌ (6 మ్యాచ్‌ల్లో 2 విజయాలు) సెమీస్‌లో నిలవాలంటే మిగతా అన్ని మ్యాచ్‌లు గెలవడంతో పాటు సమీకరణాలపై ఆధారపడాలి.