‘లియో’ డివైడ్‌ టాక్.. డైరెక్టర్‌ ఏమన్నారంటే!

లియో సినిమాపై నెటిజన్ల నుంచి వస్తోన్న మిశ్రమ స్పందనలపై డైరెక్టర్‌ లోకేశ్‌ కనగరాజ్‌ స్పందించారు. వాళ్ల నుంచి వచ్చే కామెంట్స్‌ను విశ్లేషించుకుంటానన్నారు. ప్రేక్షకుల అభిప్రాయం కోసం మరికొన్ని రోజులు తాను ఎదురుచూస్తానని చెప్పారు. తదుపరి చిత్రంలో మరిన్ని జాగ్రత్తలు తీసుకుంటానన్నారు. వచ్చే ఏడాది మార్చి లేదా ఏప్రిల్‌ నుంచి రజనీకాంత్‌ సినిమా పనులు మొదలుపెట్టనున్నట్లు తెలిపారు. కాగా, లియో చిత్రం బాక్సాఫీస్‌ వద్ద దూసుకెళ్తోంది. తొలి రోజే ఏకంగా రూ.140 కోట్లకు పైగా వసూళ్లు రాబట్టింది.