జిమ్‌లో వ్యక్తి హఠాన్మరణం.. వీడియో వైరల్

[VIDEO:](url) జిమ్ చేస్తూ హఠాత్తుగా గుండెపోటుతో మరో వ్యక్తి మరణించాడు. మధ్యప్రదేశ్‌లోని ఇండోర్‌లో ఈ ఘటన చోటు చేసుకుంది. ఈ వీడియో సోషల్ మీడియాలో వైరల్ అవుతోంది. మృతి చెందిన వ్యక్తిని హోటల్ యజమానిగా గుర్తించారు. ట్రెడ్‌మిల్‌పై వ్యాయామం చేసిన అనంతరం మెరుగైన శ్వాస కోసం ఆ వ్యక్తి అక్కడినుంచి కదిలాడు. బాగా చెమటలు పట్టడంతో జాకెట్‌ని విప్పాడు. ఆసరా కోసం అక్కడున్న వస్తువును పట్టుకుందామని ప్రయత్నించేలోపే కూలిపోయాడు. హుటాహుటిన ఆ వ్యక్తిని జిమ్‌లో ఉన్న ఇతర యువకులు ఆసుపత్రికి తీసుకెళ్లారు. కానీ, ఆ లోపే మరణించినట్లు వైద్యులు తెలిపారు.