మురళీధరన్ యువతకు స్ఫూర్తి: లక్ష్మణ్

హైదరాబాద్‌లో ‘800’ చిత్రం ప్రమోషన్‌లో భాగంగా.. శ్రీలంక మాజీ క్రికెటర్ ముత్తయ్య మురళీధరన్‌పై టీమిండియా మాజీ క్రికెటర్ వీవీఎస్ లక్ష్మణ్ ప్రశంసలు కురిపించారు. ‘మురళీధరన్‌ గొప్ప క్రికెటర్‌ అని అందరికీ తెలుసు. కానీ, అంతకంటే గొప్ప మనసున్న వ్యక్తి, ఈ తరం యువతకు రోల్‌ మోడల్, అతనిలాంటి స్నేహితుడు ఉండటం అదృష్టం’ అని చెప్పుకొచ్చారు. మురళీధరన్ బయోపిక్ చిత్రం ‘800’. ముత్తయ్యగా మధుర్ మిట్టల్, ఆయన భార్య మలర్‌గా మహిమా నంబియార్ నటించారు. ఈ చిత్రాన్ని ఎంఎస్ శ్రీపతి డైరెక్ట్ చేశారు.