విపక్షాలకు విజన్‌ లేదు: ప్రధాని మోదీ

విపక్ష పార్టీలపై ప్రధాని మోదీ తీవ్రస్థాయిలో విరుచుకుపడ్డారు. అభివృద్ధి వ్యతిరేక వైఖరితో రాజకీయాలు చేస్తున్నాయంటూ మండిపడ్డారు. విపక్ష నేతలకు దేశ అభివృద్ధి విషయంలో విజన్‌ గానీ, ఒక రోడ్‌మ్యాప్ గానీ లేవన్నారు. భాజపా హయాంలో దేశంలోని పలు రంగాల్లో జరుగుతోన్న అభివృద్ధిని చూసి తట్టుకోలేకపోతున్నారని విమర్శించారు. ప్రపంచమంతా భారత్‌ను కీర్తిస్తుంటే భాజపా వ్యతిరేకులకు ఇది నచ్చడం లేదన్నారు. రాజకీయాల్లో మునిగితేలుతున్న విపక్ష నేతలకు కుర్చీయే తప్ప మరేమీ కనబడటంలేదని మోదీ విమర్శించారు.