ముంబ‌యి సిద్ధార్థ్ రాయ్‌ క‌పూర్ ఆఫీస్‌లో ర‌ష్మిక‌

ర‌ష్మిక ముంబ‌యిలోని నిర్మాత‌ సిద్ధార్థ్ రాయ్ క‌పూర్ ఆఫీస్‌కు వెళ్లింది. ఈ విష‌యం మీడియా కంట ప‌డ‌టంతో కెమెరాలు ఆమెను వెంటాడాయి. అందరికీ న‌వ్వుతూ ఫోటోల‌కు పోజులిచ్చిన ఆమె ఆఫీసులోకి వెళ్లి కాసేపు చ‌ర్చ‌ల త‌ర్వాత తిరిగి బ‌య‌ట‌కు వ‌చ్చింది. అయితే వీళ్లు దేని గురించి మాట్లాడారో మాత్రం ఇంకా తెలియ‌లేదు. అక్క‌డ ఉన్న ఫ్యాన్స్‌తో స‌ర‌దాగా ముచ్చ‌టించిన ర‌ష్మిక కొంత‌మందికి సెల్ఫీలు కూడా ఇచ్చింది. ఆ త‌ర్వాత అక్క‌డినుంచి వెళ్లిపోయింది. సౌత్‌తో పాటు బాలీవుడ్ సినిమాల‌తో బిజీగా ఉన్న ఈ భామ కొత్త సినిమా గురించి డిస్క‌ష‌న్ కోసమే సిద్ధార్థ్ రాయ్ క‌పూర్ ఆఫీస్‌కు వెళ్లిన‌ట్లు తెలుస్తుంది.