‘నాటకరంగం వేరు’ పాట విడుదల

రంగమార్తాండ సినిమా నుంచి మరో పాట విడుదలైంది. ‘నాటకరంగం వేరు.. జీవితరంగం వేరు’ అనే పాటను చిత్రబృందం విడుదల చేసింది. దివంగత గేయ రచయిత సిరివెన్నెల సీతారామశాస్త్రి సాహిత్యం అందించారు. మ్యూజిక్ మ్యాస్ట్రో ఇళయ రాజా స్వరాలు సమకూర్చి పాటను ఆలపించారు. ఇదే సినిమాలోని ‘పువ్వై విరిసే ప్రాణం’ పాటకి రీప్రైసిడ్ వెర్షన్‌గా దీనిని రూపొందించారు. క్రియేటివ్ డైరెక్టర్ కృష్ణవంశీ దర్శకత్వంలో ఈ సినిమా రూపొందుతోంది. ప్రకాష్ రాజ్, రమ్యకృష్ణ, బ్రహ్మానందం తదితరులు కీలక పాత్ర పోషిస్తున్నారు.