థ్రిల్లింగ్‌గా సాగుతున్న ‘విరూపాక్ష’ ట్రైలర్

సాయిధరమ్ తేజ్ హీరోగా తెరకెక్కిన ‘విరూపాక్ష’ ట్రైలర్ లాంచ్ అయింది. ఆద్యంతం ఆసక్తికరంగా ట్రైలర్ సాగింది. రుద్రవనం గ్రామంలో ప్రజల ఆకస్మిక మరణాల వెనుక కారణాలను విరూపాక్ష ఎలా తెలుసుకున్నాడనే పాయింట్‌పై కథ సాగనున్నట్లు ట్రైలర్‌లో చూపించారు. మరి, రుద్రవనాన్ని విరూపాక్ష కాపాడాడా? అనేది ఏప్రిల్ 21న తెరపై చూడాల్సిందే. ట్రైలర్‌ థ్రిల్లింగ్ అంశాలతో సాగింది. అజనీష్ లోకనాథ్ బ్యాక్‌గ్రౌండ్ మ్యూజిక్ ట్రైలర్‌కు బాగా కుదిరింది. కార్తీక్ దండు డైరెక్ట్ చేయగా బీవీఎస్‌ఎన్ ప్రసాద్ నిర్మాతగా వ్యవహరించారు.