లిటన్‌తో అప్పుడు అలా అన్నా: సిరాజ్

బంగ్లాదేశ్‌తో తొలి ఇన్నింగ్సులో సిరాజ్, లిటన్ దాస్ మధ్య కాస్త వాగ్వాదం చోటు చేసుకున్న విషయం తెలిసిందే. అయితే, ఆ ఘటనపై సిరాజ్ పెదవి విప్పాడు. ‘ఇది టీ20 మ్యాచ్ కాదు.. టెస్టు. కాస్త బాధ్యతతో ఆడు’ అని అతడితో అన్నట్లుగా సిరాజ్ చెప్పాడు. దీనికి ‘ఏంటీ ఏమన్నావ్.. మళ్లీ చెప్పు’ అంటూ లిటన్ దాస్ సైగ చేస్తూ బౌలర్ దగ్గరికి వస్తుండగా అంపైర్ కలుగజేసుకుని వివాదాన్ని సద్దుమణిచాడు. ఆశ్చర్యంగా.. ఆ తరువాతి బంతికే లిటన్ దాస్ క్లీన్ బౌల్డ్ అయ్యాడు. కాగా, తొలి టెస్టులో భారత్ ఆధిపత్యం కొనసాగుతోంది. మూడో రోజు ఇన్నింగ్సుని డిక్లేర్ చేసి ఇండియా 513 పరుగుల భారీ లక్ష్యాన్ని నిర్దేశించింది.