UPCOMING BIKES: మేలో విడుదలకు సిద్ధంగా ఉన్న యూత్ మోస్ట్ వాంటెడ్ బైక్స్.. ధర, ప్రత్యేకతలు ఇవే!

భారత్‌లో యామా క్రేజ్‌ ఉన్న రంగాల్లో వాహన రంగం ఒకటి. ఇక్కడ ఏటా లక్షల్లో బైక్‌లు సేల్‌ అవుతూ ఉంటాయి. వాహనదారుల ‌అభిరుచులకు అనుగుణంగా వాహన సంస్థలు ప్రతీ ఏడాది కొత్త మోడళ్లను తీసుకొస్తుంటాయి. ఈ క్రమంలోనే మే నెలలో పలు కంపెనీలకు చెందిన ద్విచక్ర వాహనాలు విడుదల కానున్నాయి. అధునాతన సాంకేతికతతో వీటిని తీసుకువస్తున్నట్లు ఆయా సంస్థలు ప్రకటించాయి. ఇంతకీ ఈ నెలలో రాబోయే బైక్‌లు ఏవి?. వాటి ప్రత్యేకతలు ఏంటో ఈ కథనంలో తెలుసుకుందాం. 

1. TVS అపాచీ RT-300

TVSకు చెందిన అపాచీ బైక్‌కు వాహనదారుల్లో మంచి క్రేజ్‌ ఉంది. ఈ నేపథ్యంలో ఆ సంస్థ కొత్తగా అపాచీ RT-300 మోడల్‌ను తీసుకొస్తుంది. ఇది నెలలోనే లాంచ్‌ కానుంది. 312cc ఇంజన్‌ సామర్థ్యంతో దీన్ని తీసుకొస్తున్నారు. దీని ధర రూ.2,20,000 – రూ. 2,29,999 మధ్య ఉండొచ్చని మార్కెట్‌ వర్గాలు అంచనా వేస్తున్నాయి. 

2.  ట్రయంఫ్ స్ట్రీట్ ట్రిపుల్ 765 

ట్రయంప్ బైక్‌ కూడా ఈ నెలలోనే విడుదల కానుంది. ఇది RS & R అనే రెండు వేరియంట్లలో అందుబాటులోకి రానుంది. Triumph Street Triple RS వెల రూ. 11,50,000 – రూ.12,00,000 మధ్య ఉండొచ్చు. అలాగే Triumph Street Triple R మోడల్‌ ధర రూ. 9,50,000 – రూ. 10,00,000 మధ్య ఉంటుందని మార్కెట్ వర్గాలు అంచనా వేస్తున్నాయి. ఈ బైక్‌ల ఇంజిన్‌ పవర్‌ 765cc గా ఉంది. 

3. రాయల్‌ ఎన్‌ఫీల్డ్‌ 350 Next Gen

రాయల్‌ ఎన్‌ఫిల్డ్‌ కంపెనీ దశబ్దాల కాలం నుంచి టూ వీలర్ రంగంలో రారాజుగా వెలుగొందుతోంది. ఈ సంస్థ నుంచి బైక్‌ వస్తుందంటే వాహన ప్రియులు అలెర్ట్‌ అయిపోతారు. ఈ నేపథ్యంలో రాయల్‌ ఎన్‌ఫీల్డ్‌ నుంచి మరో కొత్త బైక్‌ రానుంది. 350 Next Gen పేరుతో దీనిని తీసుకురానున్నారు. దీని వెల రూ.1,50,000 – రూ.1,60,000 మధ్య ఉండొచ్చని అంచనా.

 4. ఎనర్జీ వన్‌ ఈ-స్కూటర్‌

బెంగళూరుకు చెందిన ఎనర్జీ వన్‌ కంపెనీ ఈ నెలలోనే ఎలక్ట్రిక్‌ స్కూటర్‌ను విడుదల చేయనుంది. 236 కి.మీ రైడింగ్ రేంజ్‌తో.. గంటకు 105 కి.మీ గరిష్ట వేగం సామర్థ్యంతో ఈ బైక్‌ రానుంది. దీని మార్కెట్‌ వెల రూ. 1,00,000 – రూ. 1,05,000 మధ్య ఉంటుందని సమాచారం. 

5. హీరో ఎక్స్‌స్ట్రీమ్‌ 200S 4V

ప్రముఖ వాహన సంస్థ హీరో నుంచి కూడా ఓ కొత్త బైక్‌ ఈ నెలలో లాంచ్‌ కానుంది. Hero Xtreme 200S 4V పేరుతో దీనిని విడుదల చేయనున్నారు. రూ. 1,40,000 – రూ. 1,45,000 మధ్య దీని వెల ఉండనుంది. 

6. డుకాటి మాన్‌స్టర్ ఎస్‌పీ 

భారత్‌లో డుకాటి మాన్‌స్టర్ ఎస్‌పీ బైక్ తాజాగా లాంచ్ అయింది. స్టాండర్డ్ వేరియంట్ కన్నా ఈ బైక్ ధర రూ.3లక్షలు అదనం. ఎక్స్‌షోరూం ధర రూ.15.95 లక్షలు. స్టాండర్డ్ వర్షన్‌ని పోలిన డిజైన్‌తో ఇది తయారైంది. 937 సిసి ట్విన్ సిలిండర్ లిక్విడ్ కూల్ ఇంజిన్‌ని ఇది కలిగి ఉంది. 6 స్పీడ్ గేర్‌బాక్స్‌తో బెస్ట్ పర్ఫార్మెన్స్ ఇస్తుంది.   బీఎండబ్ల్యూ ఎఫ్900 ఆర్, కవాసకి జెడ్900 వంటి బైక్‌లకు ఇది పోటీ ఇవ్వనుంది.